“صباع “المصريين الأحمر نتيجة استفتاء التعديلات المصرية يثير الضحك .. | مجلة مصر الحديثة “صباع “المصريين الأحمر نتيجة استفتاء التعديلات المصرية يثير الضحك .. - مجلة مصر الحديثة

1

كعادة المصريين في ابتكار النكات والكلمات والجمل الكوميدية في كل المواقف مهما كانت صعوبتها ومرارتها ، فور استمرار لون الأصبع الأحمر الذي انغمس في الحبر الفسفوري لتأكيد المشاركة في استفتاء التعديلات الدستورية المصرية الذي اقيم 19 /3 الجاري قام بعض الأفراد بنشر الصور الخاصة باصبعهم على الصفحات الخاصة بهم على موقع التواصل الاجتماعي .

وتبادل الأصدقاء القفشات والنكات حول شكل الأصبع باللون الأحمر بشكل كوميدي ساخر عن هذا الموقف ،ومنهم الكاتب الساخر عمر طاهر الذي كتب: “ارفع صباعك فوق .. انت مصري – اليوم كان ناقصله بس صلاة جماعة الصبح أو قداس امبارح بالليل علشان يبقى عيد – تحيا مصر .. بنعم و لا.. شكرا للشهداء على هـذا اليوم الجميل”

ومن بين التعليقات الاصة بالشباب

”أنا مش سلبي.. وصباعي بمبي”

أصابع المصريين بقى لونها بمبي

اغنيه ما بعد الاستفتاء : خلي الصوباع صاحي صاحي صاحي

يا جماعة من هنا و رايح …….صوباعنا بقى له قيمة…….بلاش نبهدله

وأخيرا انتقل الختم من قفانا إلى أصابعنا

يا جماعة بطلوا طفاسة ,,,,,هو صوباع واحد مش تستحمى بالحبر

الصوبع اللى على حق يقول للاستفتاء لأ.. والصوبع اللي حبناه يقول للاستفتاء آه

حملة تجميع مليون صباع مصرى شاركوا في التصويت..

مش مهم مين قال لأ أو مين قال نعم .. المهم اننا كلنا حطينا صوبعنا في نفس البرطمان .. وهي دي الديمقراطية

إرسال تعليق

تطبيقات يقول... الاثنين, 24 أكتوبر, 2011

كان اجمل استفتاء
اول مرة كنا نحس ان صوتنا هيوصل فعلا ...

 
Top